سەردێر

زانكۆیەك تاقیكردنەوەكان دوو ڕۆژ دوادەخات

خەڵك-
زانكۆی پۆلیتەكنیكی سلێمانی بڕیاریدا دوو ڕۆژ تاقیكردنەوەی خوێندكاران دوابخات و جەختیشدەكاتەوە، كە دەوامی فەرمی فەرمانبەران لە ڕۆژی یەك شەممەوە ئاسایی دەبێتەوە.

ئەنجوومەنی زانكۆی پۆلیتەكنیكی سلێمانی لە ڕاگەیەنراوێكدا ئاماژەی بەوەكردووە، بەهۆی دۆخی كەسوهەوا و لەپێناو سەلامەتی خوێندكاران و مامۆستایان، بڕیاریانداوە بە دواخستنی تاقیكردنەوەكان، جگە لە كۆلێجی تەكنیكی كەلار و هاوكاری ئەو خوێندكارانەش دەكرێت، كە شوێنی مانەوەیان دوورە.

ڕاشیگەیاندووە، دەوامی فەرمی فەرمانبەرانی زانكۆی پۆلیتەكنیكی سلێمانی لەسەرۆكایەتی و ‌سەرجەم كۆلێج و پەیمانگاكان لە ڕۆژی یەك شەممە 2022/1/23 ئاسایی دەبێت.

دەقی ڕاگەیەنراوەكە:

لە پێناو سەلامەتی گیانی خوێندكاران و مامۆستایان و بەڕەچاوكردنی كەش وھەوای پارێزگای سلێمانی ودەوربەری وە بەستنی ڕێگاوبانەكان ، ئەنجومەنی زانكۆی پۆلیتەكنیكی سلێمانی بڕیاریدا بە:

1_دواخستنی تاقیكردنەوەكانی ڕۆژانی (شەممە و یەكشەممە 22 و 23 كانونی دووەمی 2022) لەسەرجەم كۆلێج و پەیمانگاكانی زانكۆ، بۆ ڕۆژی دووشەممە وڕۆژانی دوایی بەپێی ئەو خشتەی كە خوێندكاران خۆیان ئاگادارن جگە لە كۆلێجی تەكنیكی كەلار كە كەش و هەوا ئاساییە.
2_دەسەڵات دەدرێتە ئەنجومەنی كۆلێج و پەیمانگاكانی زانكۆ بەمەبەستی ئاسانكاری و هاوكاریكردنی ئەو خوێندكارانەی شوێنی مانەوەیان دورەو بەزەحمەت دەگەنە كۆلێج و پەیمانگاكان.
3_ڕۆژی شەممە 2022/1/22 بەشەناوخۆییەكانی كۆلیج و پەیمانگاكان بە ڕووی خوێندكارانی دەرەوەی شاردا دەكرێنەوە.
4_دەوامی فەرمی فەرمانبەرانی زانكۆی پۆلیتەكنیكی سلێمانی لەسەرۆكایەتی و ‌سەرجەم كۆلێج و پەیمانگاكان لە ڕۆژی یەكشەممە 2022/1/23 ئاسایی دەبێت.
5_ئەم بڕیارە سنوری پارێزگای سلێمانی و هەڵەبجە دەگرێتەوە كە ئاستەنگی كەش و هەوا تیایاندا هەیە.

ئەنجومەنی زانكۆی پۆلیتەكنیكی سلێمانی

2022/1/21