سەردێر

داواكاری سەردانی ئۆجەلان پێشكەشكرا

خەڵك

تیمی پارێزەرانی عەبدوڵڵا ئۆجەلان رێبەری زیندانیكراوی پەكەكە، داواكارییان بۆ بینینی ناوبراو پێشكەشكرد.

ئەمڕۆ تیمی پارێزەرانی عەبدوڵڵا ئۆجەلان رێبەری زیندانیكراوی پەكەكە چوونە داواكاری گشتی بۆرسا و بەڕێوەبەرایەتی گرتووخانەی ئیمڕاڵی بۆ پێشكەشكردنی داواكاری سەردانكردنی ئۆجەلان.

عەبدوڵا ئۆجەلان رێبەری پەكەكە لە ساڵی 1999وە لە گرتووخانەی ئیمراڵی زیندانیكراوە و ماوەیەكی زۆرە رێگا بە سەردانكردنی نەدراوە.

ئەم داواكارییە لەكاتێكدایە كە دەنگوباس هەیە حكومەتی توركیا و پەكەكە گفتووگۆی نهێنیان لە بەلژیك كردووە بۆ زیندووكردنەوەی پرۆسەی ئاشتی، هاوكات دەستپێكردنی كامپەینی خوێندنی زمانی كوردی لە توركیا.

بە گوتەی شرۆڤەكاران لەدوای زیادبوونی گووشارەكانی ئۆپۆزسیۆن لەسەر رەجەب تەیب ئەردۆغان، حكومەتی ئەم وڵاتە خوازیاری دووبارە زیندووكردنەوەی پرۆسەی ئاشتییە.