سەردێر

كەشناسیی وردەكاری شەپۆلە بەفربارینەكەی سبەینێی ئاشكراكرد

خەڵك
بەڕێوەبەرایەتی كەشناسی و بومەلەرزەزانی هەرێمی كوردستان رایگەیاند، ئەمڕۆ ئاسمان ساماڵە بە گشتی.

بەڕێوەبەرایەتی كەشناسی و بومەلەرزەزانی هەرێمی كوردستان لەبارەی كەشوهەوای سبەی، رایگەیاند، سبەی شەپۆڵێكی بەفر بارین تەواوی ناوچەكەمان دەگرێتەوە پێشبینی هاتنی كاریگەری ئەم شەپۆلە لە كاتەكانی دوای نیوەڕۆ دەبێت .

روونیشیكردەوە، بارستە هەواییەكی جەمسەری زۆر سارد یاوەری ئەم نزمە پاڵە پەستۆیە دەكات بۆیە شێوازی دابارین لە زۆربەی كاتەكان بە بەفر دەبێت .

دەشڵێت: سەنتەری پارێزگای سلێمانی دهۆك هەڵەبجە بەفر بارینی دەبێت لەگەڵ تەواوی یان زۆربەی قەزاو ناحییەكانی ناوچە شاخاوییەكان .

لەبارەی هەولێر دەڵێت: سەنتەری هەولێر سەرەتا نمە بارانی دەبێت بە تێكەڵی لەگەڵ بەفر بارین پاشان لەگەڵ زیاد بوونی كاریگەری ئەم بارستە هەوایە ساردە دەگۆڕێت بۆ بەفر بارین لە ماوەی كاریگەری ئەم شەپۆڵە سەنتەری كەركووك ئەگەری بەفر بارین بە تێكەڵی لەگەڵ بارانی دەبێت .

ئاماژە بەوەش دەكات، رۆژی پێنج شەم رێكەوتی
20-1-2022 لە كاتەكانی شەو كاریگەری ئەم شەپۆلە كۆتای دێت .