سەردێر

12 كەس بەتۆمەتی فرۆشتنی كارتی ڤاكسین دەستگیركران

خەڵك –
شانەی راگەیاندنی ئەمنی عێراق ڕایدەگەیەنێت، ژمارەیەك هاووڵاتیان بەتۆمەتی فرۆشتنی كارتی ڤاكسین دەستگیر كردووە و پێنجیان فەرمانبەری فەرمانگەی تەندروستیین.

شانەی راگەیاندنی ئەمنی عێراق لە ڕاگەیەنراوێكدا بڵاویكردەوە، كە ھێزەكانی سەربە دەزگای ئاسایشی نیشتمانی 12 كەسیان بەتۆمەتی فرۆشتنی كارتی ڤاكسین لە پارێزگای دیالە، دەستگیركردووە.

ئاماژە بۆ ئەوەشكراوە، كە دەستگیركراوەكان كارتی ڤاكسینیان بەو كەسانە فرۆشتووە، كە ڤاكسینیان وەرنەگرتووە و دانیان بەوەدا ناوە، كە لەبەرامبەر بڕە پارەیەكی زۆر كارتی ڤاكسینیان فرۆشتووە و كە پێنجیان فەرمانبەری فەرمانگەی تەندروستین.