سەردێر

هاتووچۆی هەولێر؛ لەبارەی دەستگیركردنی هاووڵاتی سەڵاح مۆنیكا ڕوونكردنەوەیەك بڵاودەكاتەوە

خەڵك –
بەڕێوەبەرایوتی هاتووچۆی هەولێر ڕایدەگەیەنێت ، ئەمڕۆ لەلایەن هێزە ئەمنیەكانەوە بەبڕیاری دادوەری لێكۆلینەوەی هەولێر كەسێك بەناوی (سەڵاح مۆنیكا) كە خاوەنی ئوتومبێلێكی تایبەتە لەجۆری لاندكرۆز دەستگیركرا، كە دوێنی بەیانی لەكاتی كۆبوونەوەی ئاو لە هەندێك لەشەقامەكان تاوان و سەرپێچی كردووە.

بەڕێوەبەرایوتی هاتووچۆی هەولێر لە ڕاگەیەنراوێكدا بڵاویكردەوە، سەڵاح مۆنیكا ئەو سەرپێچیانەی ئەنجامی دواوە لە تێكشكاندنی هێماكانی هاتووچۆ بەئۆتۆمبێلەكەی تەنها بۆ نیشاندانی هێزی ئوتومبێلەكەی بووە، لە هەمان كاتدا دەستكاری تابلۆی ئوتومبێلەكەشی كردووە و بەشێكی شاردۆتەوە.

ڕونكردنەوەیەك لەبەڕێوەبەرایوتی هاتووچۆی هەولێرەوە
ئەمڕۆ لەلایەن هێزە ئەمنیەكانی هەولێر، بەبڕیاری دادوەری لێكۆلینەوەی هەولێر كەسێك بەناوی (صلاح مونیكا) كەخاوەنی ئوتومبێلێكی تایبەتە لەجۆری لاندكرۆز دەستگیركرا، كە هۆكاری دەستگیركردنەكەشی كۆمەلێك تاوان و سەرپێچی بووە كە دوێنی بەیانی لەكاتی كۆبونەوەی ئاو لەهەندێك لەشەقامەكانی هەولێر ئەنجامی دابوون، كە ئەوانیش تێكشكاندنی هێماكانی هاتووچۆ بە ئۆتۆمبێلەكەی و هەروەها شكاندن و شێواندنی شۆستەكان لەهەندێك شوێن كەبەسەركەوتن وشكاندنەكەش تەنها بۆنیشاندانی هێزی ئوتومبێلەكەی بووە، لە هەمان كات دەستكاری تابلۆی ئوتومبێلەكەشی كردووە و بەشێكی شاردۆتەوە كە ئەمەشیان تاوانە و هەروەها دەستكاری ئاكاری ئوتومبێلەكەی كردووە بەبێ وەرگرتنی ڕەزامەندی لایەنی پەیوەندیدار كە بەڕێوەبەرایەتی هاتووچۆیەكەئەمەشیان سەرپێچی یاسای هاتووچۆیە،وەبۆهەمو لایەكی ڕون دەكەینەوە كەدەستگیركردنەكەی جگە لەو تاوان وسەرپێچیانە هیچی تری بەدواوە نەبوە ، وەپەیوەندی بەیارمەتیدانی خەڵكەوە نەبوە لەكاتی لافاوەكە،چونكە هیچ كات حكومەت ولایەنە پەیوەندیدارەكان كەسێك دەستگیر ناكەن لەسەر یارمەتیدانی خەڵك بەلكو دەستخۆشیشی لێدەكەن ،وەسەبارەت بەهەمو تاوان وسەرپێچیەكانی كەئەنجامدراون بەلگەی ڤیدیۆیی و دۆكیۆمێنت هەیە، كەهەندێكی لەلایەن كەسی خۆیەوە بلاوكراونەتەوە.
ب هاتووچۆی هەولێر
2022/1/14





هەلبژاردە

گرنگترینەکان