سەردێر

كەشناسی هەرێم؛ لەبارەی ڕێژەی بارانبارینی ئەمساڵ ڕاگەیەنراوێكی دڵخۆشكەری بڵاوكردەوە

خەڵك –
بەرێوەبەرایەتی گشتی كەشناسی و بومەلەرزەزانی هەرێمی كوردستان ڕایدەگەیەنێت، ڕێژەی بارانبارینی ئەمساڵ تا 13ـی كانوونی دووەم 127.5 ملم بووە و بەراورد بە ساڵی ڕابردوو 53 ملم زیاتر بووە، ڕوونكردنەوەیەكیش لەبارەی داتای كەشناسی بۆ باران بارین بڵاودەكاتەوە .

بەرێوەبەرایەتی گشتی كەشناسی و بومەلەرزەزانی هەرێمی كوردستان لە ڕاگەیەنراوێكدا بڵاویكردەوە، كە ، ڕێژەی بارانبارینی ئەمساڵ تا ئەمڕۆ پێنج شەممە 13ی 1ی 2022 لەهەرێمی كوردستان 127.5 ملم بووە و بەراورد بە ساڵی ڕابردوو 53 ملم زیاتر بووە.

ئاماژەی بۆ ئەوەشكردووە، لەبەر ئەوەی بارانبارین دەكەوێتە دوو ڕێكەوتی جیا لەكاتی وەرگرتنی باران بۆ نموونە پێش كاتژمێر ١٢ی شەو و دوای كاتژمێر ١٢ی شەو، بۆیە لێرەدا لە كاتی وەرگرتنی باران بە گوێرەی داتای كەشناسی بەبارانی ٢٤ كاتژمێر دادەنرێت، ئەگەر لە حاڵەتێكدا بارانەكە بكەوێتە دوای كاتژمێر 12ی شەویش هەر بەبارانی 24 كاتژمێر حساب دەكرێت.

No description available.