سەردێر

خەڵك) زانیاریی نوێ‌ لەبارەی تۆماركردنی ئۆمیكرۆن لە سلێمانی ئاشكرا دەكات)

خەڵك-

گومان دەكرێت 10 حاڵەتی تووشبوون بە جۆرە نوێیەكەی ڤایرۆسی كۆرۆنا (ئۆمیكرۆن) لە پارێزگای سلێمانی تۆماركرابن، بەڕێوەبەری تەندروستیش دەڵێت، ئەو حاڵەتانە ڕەوانەی تاقیگەكانی بەغدا كراون.


ئەمڕۆ پێنج شەممە، د. سەباح هەورامی بەڕێوەبەری گشتی تەندروستی سلێمانی، لە پۆستێكیدا لەسەر پەیجی تایبەتی خۆی لە تۆڕی كۆمەڵایەتی فەیسوك بڵاویكردەوە ڕایگەیاند:”تا ئێستا هیچ حاڵەتێكی ئۆمیكرۆن لە سلێمانی تۆمارنەكراوە، بەڵام 10 حاڵەتی گومانلێكراوی ئۆمیكرۆنمان رەوانەی تاقیگەی مەركەزی لە بەغداد كردووە”.

سەباح هەورامی دەڵێت” ھەفتەی داھاتوو ئەنجامی پشكنینەكان لە بەغداد دەگەڕێنەوە”.

جۆرە گۆڕاوەكەی ڤایرۆسی كۆرۆنا (ئۆمیكرۆن) هەرچەندە دەوترێت مەترسی كەمترە بەهۆی وەرگرتنی ڤاكسینەكان، بەڵام بە بۆچوونی شارەزایان بڵاوبوونەوەی دە هێندەی جۆری پێشووی (دەلتا)، خێراترە.