سەردێر

مەترسیدارترین بازرگانی ماددە هۆشبەرەكان دەستگیركرا

خەڵك-
فەرماندەیی پۆلیسی بەسرە، دەستگیركردنی یەكێك لە مەترسیدارترین بازرگانی ماددە هۆشبەرەكان لە پارێزگاكە ڕادەگەیەنێت.

بەپێی بەیاننامەیەك كە لەلایەن فەرماندەیی پۆلیسی بەسرەوە بڵاوكرایەوە”دوای دەستەبەركردنی زانیاریی لەبارەی یەكێك لە بازرگانی ماددە هۆشبەرەكان كە ماددەی هۆشبەری لە پارێزگایەكەوە دەگواستنەوە بۆ پارێزگای بەسرە، تیمێكی كاركردن لە بەشی ماددە هۆشبەرەكان لە قورنە پێكهێنرا و بۆسەیەكی تۆكمە لە شوێنی دیاریكراو نرایەوە و كەسەكە دەستگیركرا كە نزیكەی 4 كیلۆگرام ماددەی هۆشبەری پێگرا كە لەنێو چوار كیسەدا بوو”.

هەر لە بەیاننامەكەدا هاتووە”تۆمەتبارەكە پێشینەی هەیە و پێشتر بەپێی ماددەی 28ی ماددە هۆشبەرەكان حوكمدرابوو، بۆیە ڕێكارە یاساییەكانی لەدژ گیرایەبەر و ڕەوانەی دادوەریی كرا، تا سزای دادپەروەرانەی خۆی وەربگرێت”.