سەردێر

بەفر و باران لە سەرتاسەری هەرێم دەبارێت

هۆشداری نزمبوونەوەی پلەكانی گەرما دەدات

خەڵك-

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە.

بەپێی پێشبینییەكانی كەشناسی، ئەمڕۆ چوار شەممە ئاسمان نیمچە هەور و هەوری تەواو دەبێـ بە درێژایی كاەكان لەگەڵ بارینی نمە باران لە هەندێ ناوچە.

هەر بەپێی پێشبینییەكان، سبەینێ پێنج شەممە ئاسمان نیمچە هەور و باران بارین دەبێت، ئاستی دابارین لە دوای نیوەڕۆ زیاتر دەبێت لەگەڵ بەفر بارین لە ناوچە شاخاوییە بەرزەكان و سنوورەكان.

كەشناسی ئاشكراشیكرد، كاریگەری ئەو شەپۆلەی ڕووی لە ناوچەكەمان كردووە بەردەوامی دەبێت تاكو رۆژی دوو شەممە، ڕۆژی شەممە بارستە هەواییەكی ساردی سێبیری ڕوو لە ناوچەكەمان دەكات پلەكانی گەرما زیاتر ڕوو لە نزمبوونەوە دەكات.