سەردێر

بارانبارین دوو ڕۆژ لە پارێزگایەك دەكاتە پشوو

خەڵك-
بەهۆی بارانى بەلێزمە لە پارێزگایەكی ناوەڕاستی عیراق، دوو ڕۆژ دەكرێت بە پشووی فەرمی.

بەپێی میدیا عیراقییەكان، بارانی بەلێزمە لە پارێزگای سەڵاحەدین لە هەندێك ناوچەدا بۆتە مایەی دروستبوونی لافاو و زیانی ماددی زۆری لێكەوتۆتەوە.

ئەو میدیایانە ئاماژەیان بە ڕاگەیاندنی پشووی فەرمی كردووە لە پارێزگای سەڵاحەدین لە سبەینێ‌ ڕۆژی چوار شەممە و پێنج شەممە بەهۆی بارانی بەلێزمە لە پارێزگاكە، ئەمەش لەكاتێكدایە كە هەندێك لەو وێنە و ڤیدیۆنای لە تۆڕە كۆمەڵایەتییەكاندا بڵاوكراونەتەوە دەریدەخەن كە بارانی بەخوڕ لە پارێزگاكە لە هەندێك ناوچەدا لافاوی دروستكردووە و بۆتە مایەی دروستكردنی كێشە و گیروگرفت بۆ هاووڵاتیان.

ماوەیەك لەمەوبەر بەهۆی كەمی بارانبارینەوە، مەترسی وشكەساڵی و كەم ئاوی بووە خەمی سەرەكی زۆرێك لەو پارێزگایانەی كشتوكاڵین و بە بەرچنەی خۆراكی لە عیراقدا دادەنرێن، بەڵام بارینی بارانێكی بەلێزمە لەم چەند ڕۆژەی دواییدا ئەو مەترسییانەی ڕەواندەوە و لەئێستاشدا پێشبینی دەكرێت، بەنداوەكان لە وڵاتدا تائاتسێكی باش ئاوییان بۆ وەرزی هاوینی داهاتوو عەمباركردبێت.