سەردێر

ئاگادارییەك بۆ ئەوانەی گەشتی ئێران دەكەن

خەڵك-
دەروازەی نێودەولەتی حاجی ئۆمەران ئاگاداری گشت گەشتیارانی هەرێمی كوردستان و عێراقی و بیانی دەكات، پشكنینی كۆرۆنا لە هەموو خاڵە ‌سنورییەكان بۆ هەموو گەشتیاران ئەنجام دەدرێت، تەنانەت ئەوانەی كارتی ڤاكسینیشیان هەبێت، جگە لەوانەی تێستی كۆرۆنایان پێش (48) كاتژمێر ئەنجام دابێت.

بەپێی ئاگادارییەك كە لەلایەن دەروازەی نێودەولەتی حاجی ئۆمەرانەوە بڵاوكرایەوە”ئاگاداری گشت گەشتیارانی هەرێمی كوردستان و عێراقی و بیانی دەكەین بەپێی خالی(2) ی بەیاننامەی ژمارە (1) ساڵی (2022) ی لێژنەی بالای بەرنگاربوونەوەی ڤایرۆسی كۆرۆنا لە هەرێمی كوردستان ؛ پشكنینی كۆرۆنا لە هەموو خاله ‌سنورییەكان بۆ هەموو گەشتیاران ئەوانەی كارتی ڤاكسینیشیان هەبێت ئەنجام دەدرێت جگە لەوانەی كه تێستی كۆرۆنایان پێش (48) كاتژمێر ئەنجام دابێت ئەوا پێویست ناكات دوبارە پشكنینیان بۆیان بكرێت”.

هەر لە ئاگادارییەكەدا هاتووە”لە ڕۆژی چوارشەممە ڕێكەوتی 12/1/2022 ئەم بڕیارە لە دەروازەی نێودەلەتی حاجی ئومەران جێبەجێ دەكرێت بۆ ئاگاداری هەموو گەشتیارانی خۆشەویست و بۆ زانیاری زیاتریش پەیوەندی بەم ژمارانە تەلەفۆنانەوە بكەن كریم 07507422424، سیروان ، 07504643929 ، ئاراز 07504736672″.