سەردێر

دوكان.. دوو هاووڵاتی دەستگیر كران

خەڵك
لە گوندی قەڵەم پاشا لە سنووی قەزای دووكان، دوو هاووڵاتی دەستگیركران كە ژینگەو سروشتیان تێكداوە بە دروستكردنی خەڵوز، دەستیش بەسەر 40 فەردە خەڵوز و ئۆتۆمبێلێكدا گیرا.

بەڕێوەبەرایەتی پۆلیسی دارستان و ژینگەی پارێزگای سلێمانی لە ڕاگەیانراوێكدا بڵاویكردەوە، بۆ ڕێگریكردن لە دیاردەی خەڵوزكردن و پاراستنی سروشت و ژینگەی سنورەكە بە فەرمانی بەڕێوەبەری بەشی پۆلیسی دارستان و ژینگەی دوكان مەفرەزەیەكی بەشی پۆلیسی دارستانی دوكان دەرچوون بۆ سنوری گوندی ( قەڵەم پاشا ) ، لە ئەنجامدا توانیان ( ٢ ) هاوڵاتی دەستگیر بكەن.

 

لە ڕاگەیانراوەكەدا ئەوەش هاتووە، دەستیش گیراوە بەسەر ( ٤٠ ) فەردە خەڵوز و ( ١ ) ئۆتۆمبێلی جۆری دەبڵ پیكاب كە خەڵوزەكەی تێدابووە .

 

باس لە ئەوەشكراوە، پەڕاوی لێكۆڵینەویان بۆ ڕێكخراوەو ڕادەستی دادوەر كراوە بۆ گرتنەبەری ڕێكاری یاسایی.

May be an image of outdoors

May be an image of outdoors