سەردێر

پۆلیسی گەرمیان؛ بەهۆی كێشەیەكی كۆمەڵایەتیەوە كەسێك بەفیشەك برینداركرا

خەڵك –
بەڕێوەبەرایەتی پۆلیسی گەرمیان ڕایدەگەیەنێت، بەهۆی كێشەی كۆمەڵایەتی لەگەڵ سێ كەس و لەنزیكی ماڵی خۆیان هاووڵاتیەك تەقەی لێكراو فیشەك بەرلاقی كەوتووەو برینداربووە.

علی جەمال قدووری، بەڕێوەبەری ڕاگەیاندنی پۆلیسی گەرمیان لە ڕاگەیەنراوێكدا بڵاویكردەوە، ئێوارەی ئەمڕۆ یەكشەممە لەشارەدێی ڕزگاری سەر بەشارۆچكەی كەلارەوە هاووڵاتیەك بە برینداری برایە بەشی فریاكەوتنی شەهید هەژار، كە بەهۆی بەركەوتنی فیشەكەوە بریندار بووە .

ئاماژەی بۆ ئەوەشكردووە، كە بەووتەی بریندارەكە كێشەی كۆمەڵایەتی لەگەڵ سێ كەس هەبووەو لەنزیكی ماڵی خۆیان تەقەیان لێكردوە و فیشەك بەرلاقی كەوتوە و برینداربووە و لەئێستادا چارەسەری پێویست بۆ بریندارەكە كراوە و دادوەر فەرمانی دەستگیركردنی بۆ تۆمەتباران دەركردووە.