سەردێر

بەتەمەنترین پەڕلەمانتار بووە سەرۆكی پەڕلەمان

خەڵك-
مەحمود مەشهەدانی، وەك بەتەمەنترین پەڕلەمانتار بوو بە سەرۆكی كاتی پەڕلەمان تاوەكو هەڵبژاردنی دەستەی سەرۆكایەتی ئەنجام دەدرێت.

بەپێی دەستووری عێراق و پەیڕەوی ناوخۆی پەڕلەمان، لە یەكەم كۆبوونەوەی پەڕلەماندا لە هەر خولێكی نوێدا بەتەمەنترین پەڕلەمانتار دەبێتە سەرۆكی كاتی بۆ بەڕێوەبردنی كۆبوونەوەی پەڕلەمان و سەرپەرشتی كردنی هەڵبژاردنی دەستەی سەرۆكایەتی پەڕلەمان.

لە كۆبوونەوەی ئەمڕۆی پەڕلەمانی عێراقدا، مەحمود مەشهەدانی بووە سەرۆكی كاتی پەڕلەمان و هاوكات پەڕلەمانتاران سوێندی یاساییان خوارد بۆ بوون بە پەڕلەمانتار.

لە ئێستادا محەمەد حەلبوسی لە هاوپەیمانی تەقەدومی سوننە كاندیدە بۆ سەرۆكی پەڕلەمان و حاكم زاملی و مەحمود مەشهەدانی كاندیدن بۆ جێگری سەرۆكی پەڕلەمان و هەریەكە لە شاخەوان عەبدوڵا و موسەننا ئەمین و سروە عەبدولواحید كاندیدن بۆ جێگری دووەمی سەرۆكی پەڕلەمان.