سەردێر

دابەشكردنی چەكی مووچەی پەروەردە پێشخرا

خەڵك-
سەرەڕای ئەوەی بڕیارە بە دوو ڕۆژ مووچەی وەزارەتی پەروەردە دابەش بكرێت، بەڵام چەكی مووچە بۆ ئەمڕۆ پێشخراوە.

بەڕێوەبەرایەتی پەروەردەی ناوەندی هەولێر دەربارەی دابەشكردنی مووچە ڕاگەیەنراوێكی بڵاوكردەوە و ڕایگەیاندووە، بەڕێوەبەری سەرجەم خوێندنگەكانی سنووری پەروەردەی ناوەندیی ھەولێر ئاگادار كراونەتەوە، كە ئەمڕۆ شەممە چەكی مووچە دابەش دەكرێ.

ڕوونیشی كردۆتەوە، ئەگەرچی ڕۆژی شەممە 8ی 1 پشووی فەرمیە لە دیوانی پەروەردە، بەڵام چەك و لیستی مووچەی مانگی 12 دابەش دەكرێت، لە كاتژمێر 10ی بەیانی تاوەكو 1ی نیوەڕۆ.

بەپێی خشتەی مووچەی مانگی 12، كە لەلایەن وەزارەتی داراییەوە ڕاگەیەنراوە، بە هەردوو ڕۆژی (یەك شەممە و دوو شەممە) 9 و 10ی 2022/1، مووچەی وەزارەتی پەروەردە دابەش دەكرێت.

دابەشكردنی مووچە بەخاوی و ڕۆژی یان دوو ڕۆژ جارێك وەزارەتێك لەكاتێكدایە، كە هەرێمی كوردستان خاوەنی داهاتێكی زۆرە و ڕۆژانە سەرووی 400 هەزار بەرمیل نەوت دەفرۆشێت و ئەمریكا مووچەی پێشمەرگە دەدات و داهاتی مانگانەی ناوخۆش سەرووی 300 ملیار دینارە.