سەردێر

ئاسایشی ڕانیە؛ تۆمەتباری سەرەكی تەقەكردن لە بەرپرسە سەربازیەكە دەستگیركرا

خەڵك –
بەڕێوەبەرایەتی ئاسایشی ڕاپەڕین ڕایدەگەیەنێت ، بە كەمتر لە 24 كاتژمێر لە دوای وەرگرتنی فەرمانی دادوەر ئەو تۆمەتبارە دەستگیركرا، كە تەقەی ماڵی فەرماندەیەكی سەربازی لە ڕانیە كرد و پەڕاوی لێكۆڵینەوەی بۆ كراوەتەوە و لێكۆڵینەوەكان بەردەوامن.

بەڕێوەبەرایەتی ئاسایشی ڕاپەڕین لە ڕاگەیەنراوێكدا بڵاویكردەوە، كە شەوی (5/1/2022) لە شاری ڕانیە گەڕەكی نەورۆز تەقە لە ماڵی فەرماندەیەكی سەربازی كرا ، دوای وەرگرتنی فرمانی دادوەر بە كەمتر لە 24 كاتژمێر توانرا تۆمەتباری سەرەكی تەقەكردن دەستگیر بكرێت.

دەقی ڕاگەیەنراوەكە :

شەوی (5/1/2022) لە شاری ڕانیە گەڕەكی نەورۆز تەقە لە ماڵی فەرماندەیەكی سەربازی كرا دەستبەجێ بەڕێوەبەرایەتی ئاسایشی ڕاپەڕین هاتە سەر خەت و دوای وەرگرتنی فەرمانی دادوەر لەسەر ڕووداوەكە لە ڕێگای سەرچاوەكانمانەوە هەندێ زانیاریمان دەست كەوت دوای وەرگرتنی فەرمانی دادگا فەرمانی گرتن بۆ كەسێكی گومانلێكراو دەركرا و توانرا لە ماوەی كەمتر لە ٢٤ كاتژمێر لایەن هێزەكانمان لە بەڕێوەبەرایەتی ئاسایشی ڕاپەڕین تۆمەتباری سەرەكی تەقەكردن دەستگیر بكرێت و لە ئێستادا دانی ناوە بەتاوانەكەیداو پەڕاوی لێكۆڵینەوەی بۆ كراوەتەوە و لێكۆڵینەوە بەردەوامە لە ڕووداوەكە.

ئاسایش و ئارامی هاوڵاتییان ئامانجمانە.