سەردێر

یادی كوژرانی قاسم سولەیمانی لە سلێمانی كرایەوە

خەڵك-

بەبۆنەی ساڵیادی كوژرانی قاسم سولەیمانی، ئەمڕۆ پێنج شەممە لە شاری سلێمانیبە ئامادەبوونی پارێزگاری سلێمانی و چەندین بەرپرسی حزبی و حكومی مەراسیمێكی تایبەت بەو بۆنەوە بەڕێوەچوو.
هەڤاڵ ئەبوبەكر پارێزگاری سلێمانی لە وتەیەكیدا لەنێو مەراسیمەكە ڕایگەیاند، ڕۆژی بەرەنگاربوونەوەی مرۆڤایەتییە بەرامبەر تیرۆر، پێویستە ڕۆژی كوژرانی قاسم سلێمانی بكرێتە ڕۆژی ئاشتی.
وتیشی”تێكۆشانەكانی قاسم سلێمانی بۆ كۆتاییهێنان بووە بەتیرۆر”.
هاوكات محەمەدی حاجی مەحود سكرتێری گشتی حزبی سۆسیالیست دیموكراتی كوردستان ڕایگەیاند، قاسم سولەیمانی مێژوویەكی لەنێو ئێران و عێراق و كوردیش بۆ خۆی دروست كرد.
دەشڵێت”قاسم سولەیمانی پەیوەندی كەسی لەگەڵ لایەنەكان دروست كردبوو”.

ئاماژەی بۆ ئەوەش كرد، سولەیمانی ئەو كەسە بوو توانی لوبنان و سوریا و یەمەن و بۆسنە و فەلەستین و ئەفغانستان و عێراق كۆبكاتەوە.

دوو ساڵ بەسەر كوژرانی قاسم سولەیمانی فەرماندەی قودسی سوپای پاسداران و مەهدی موهەندیس فەرماندەی حەشدی شەعبی لەلایەن ئەمریكاوە تێدەپەڕێت و دوێنێ لە شاری هەولێریش بە بەشداری بەرپرسانی حزبی و حكومی ئەو یادە كرایەوە.