سەردێر

عێراق، هێرشكرایەسەر بنكەیەكی سەربازی ئەمریكا

خەڵك-

سەرچاوەیەكی ئەمنیی عێراق ئاشكرایكرد، بە درۆنی بۆمبڕێژكراو هێرش كراوەتەسەر بنكەی سەربازی عەین ئەسەد لە پارێزگای ئەنبار.

ئاژانسی فرانس پرێس لە زاری بەرپرسێكی هاوپەیمانان بڵاویكردەوە، دوو درۆنی بۆمبڕێژكراو ئاڕاستەی بنكەیەكی سەربازیی عێراقی كراوە، كە هاوپەیمانی نێودەوڵەتی دژی داعش بە سەركردایەتی ئەمەریكا چالاكی تێدا ئەنجام دەدەن.

وتیشی”ئەمڕۆ سێ شەممە 4-1-2022 سیستەمی بەرگری بنكەی سەربازیی عەین ئەسەد هەردوو درۆنە بۆمبڕێژكراوەكەی پۆچەڵ كردووەتەوە و هێرشەكە شكستی هێناوە، لەگەڵ ئەوەشدا هیچ زیانێكیش درووست نەبووە”.

هێرشەكەی سەر بنكەی سەربازی عەین ئەسەد لەكاتێكدایە، دوێنێ ساڵیادی كوژرانی قاسم و سولەیمانی و ئەبو مەهدی موهەندیس لە عێراق و ئێران بەرز ڕاگیرا.