سەردێر

هەرێمی كوردستان ژمارەیەكی زیاتری تووشبوون بە كۆرۆنا تۆماردەكات

خەڵك-
وەزارەتی تەندروستی هەرێم ئاماریی تووشبوون و مردن بە كۆرۆنا و چاكبوونەوە لە پەتاكە لەماوەی 24 كاتژمێری ڕابردوودا ڕادەگەیەنێت و ژمارەی تووشبوون و مردنیش بە پەتاكە لەمڕۆدا بە ڕێژەیەكی نزم دادەنرێت.

بەپێی ئەمارێكی وەزارەتی تەندروستی هەرێم”لەماوەی 24 كاتژمێری ڕابردوودا 175 حاڵەتی تووشبوون بە كۆرۆنا تۆماركراوە 119 كەسیش چاكبوونەتەوە و 6 حاڵەتی مردنیش هەبووە، ئەمەش بەراورد بە چەند ڕۆژی ڕابردوو بە ژمارەیەكی زیاتری تووشبوون و مردن بە پەتاكە دادەنرێت.
وەزارەتی تەندروستی حكومەتی هەرێم دەڵێت” 3 هەزارو 794 پشكنین ئەنجامدراوە و دەركەوتووە لە هەولێر 87 كەس وسلێمانی 67 كەس و دهۆك 18 كەس و گەرمیان 2 كەس و ڕاپەڕین 1 كەس تووشی كۆرۆنا بوون.
هەر لە ئامارەكەی وەزارەتی تەندروستی هەرێمدا ئاماژە بە 6 حاڵەتی مردن كراوە بەهۆی كۆرۆناوە لەماوەی 24 كاتژمێری ڕابردوو كە 3 حاڵەت لە سلێمانی و 1 حاڵەت لە دهۆك و 1 حاڵەت لە گەرمیان و 1 حاڵەت لە ڕاپەڕین تۆماركراون.