سەردێر

شاندێكی عیراقی دەچێتە توركیا

بۆ ئاوە

خەڵك-
وەزارەتی سەرچاوە ئاوییەكانی عیراق بەنیازە شاندێك بۆ مەبەستی دانوستان ڕەوانەی توركیا بكات، ئەجێندانی سەردانی شاندەكەش ئاشكرا دەكات.

عەون زیاب، ڕاوێژكاری وەزارەتەكە لە لێدوانێكی رۆژنامەوانیدا ڕایگەیاند”وەزارەتی داهاتە ئاوییەكان یاداشتێكی لێكگەیشتنی واژۆ كردووە و لە دوای پەسەندكردنی لەئێستادا یاداشتەكە دەخاتە بواری جێبەجێكردنەوە، گرنگترینیش لە یاداشتەكەدا هەنگاوە پراكتیكییەكانە بۆ پابەندكردنی توركیا بە بەردانەوەی پشكی ئاوی عیراق لە هەردوو ڕووباری دیجلە و فورات”.

بە وتەی زیاب”سەردانەكە زەمینەسازییە بۆ چوونە نێو دانوستان لەگەڵ توركیا كە لێوەی بڕی ئاوەكە دیاریی دەكرێت، وێڕای چەند بڕگەیەكی تر كە پێویستییان بە بەدواداچوون هەیە”.

ڕاوێژكاری وەزارەتی سەرچاوە ئاوییەكانی عیراق دەڵێت”شاندێكی تەكنیكی لەلایەن وەزارەتەكەیان ڕەوانەی توركیا دەكرێت، تا چاودێری عەمباری ئاوەكان و بەنداوەكان بكات و گفتوگۆ بكات لەسەر شێوازیی بەگەڕخستیان لەئێستا و لە هاوینی داهاتوو”.