سەردێر

بایك: تێكۆشی پەكەكە كۆتایی بە فەرمانڕەوای ئەكەپە و مەهەپە هێنا

 

خەڵك

هاوسەرۆكی كۆما جڤاكێن كوردستانێ كەجەكە ئاماژە بەوە دەكات، دەسەڵاتی ئەكەپە و مەهەپە لە دواین قۆناغیدایە، ئەم لاوازبوونەش دەرئەنجامی تێكۆشی تەڤگەری پەكەكەیە.

جەمیل بایك هاوسەرۆكی كۆما جڤاكێن كوردستانێ كەجەكە بۆ مێدیای پەكەكە رایگەیاند، دەسەڵاتی ئەكەپە و مەهەپە لە دواین قۆناغیدایە، ئەم لاوازبوونەش دەرئەنجامی تێكۆشی تەڤگەری ئێمەیە، بۆیە تێكۆشانی پەكەكە كۆتایی هێنا بە دەسەڵاتی ئەكەپە و مەهەپە.

بایك دەڵێت ئێزدی بە خۆبەڕێوەبەری گەیشتوون، ئەوان لەگەڵ كوردانی رۆژئاوا تێكۆشانی زۆریان كرد، لەگەڵ داعشدا جەنگان، مرۆڤایەتییان لە تیرۆر رزگاركرد، بۆیە خۆبەڕێوەبەری ئێزدیان بەرهەمی شەهیدانە.

لەبارەی رەوشی شەنگال بایك دەڵێت: پارێزگاری لە ئێزدیان بە شەنگالدا گوزەر دەكات، بۆیە دەبێت پارێزگاری لە خۆبەڕێوەبەری ئێزدیان لە شەنگال بكرێت.