سەردێر

هەرێمی كوردستان، كەمترین ڕێژەی تووشبوون و مردن بە كۆرۆنا تۆماركرا

خەڵك-
وەزارەتی تەندروستی هەرێم ئاماریی تووشبوون و مردن بە كۆرۆنا و چاكبوونەوە لە پەتاكە لەماوەی 24 كاتژمێری ڕابردوودا ڕادەگەیەنێت و ژمارەی تووشبوون و مردنیش بە پەتاكە لەمڕۆدا بە ڕێژەیەكی نزم دادەنرێت.

بەپێی ئەمارێكی وەزارەتی تەندروستی هەرێم”لەماوەی 24 كاتژمێری ڕابردوودا 102 حاڵەتی تووشبوون بە كۆرۆنا تۆماركراوە 201 كەسیش چاكبوونەتەوە و 2 حاڵەتی مردنیش هەبووە، ئەمەش بەراورد بە ماوەیەك لەمەوبەر بە ژمارەیەكی كەمی تووشبوون و مردن بە پەتاكە دادەنرێت.

وەزارەتی تەندروستی حكومەتی هەرێم دەڵێت” 3 هەزارو 509 پشكنین ئەنجامدراوە و دەركەوتووە لە هەولێر 29 كەس وسلێمانی 57 كەس و دهۆك 8 كەس و گەرمیان 8 كەس تووشی كۆرۆنا بوون.

هەر لە ئامارەكەی وەزارەتی تەندروستی هەرێمدا ئاماژە بە 2 حاڵەتی مردن كراوە بەهۆی كۆرۆناوە لەماوەی 24 كاتژمێری ڕابردوو كە هەردوو حاڵەتەكە لە پارێزگای دهۆك تۆماركراون.