سەردێر

ئاسایشی ڕاپەڕین خەڵكی ناوچەكە ئاگاداردەكاتەوە

ئێران ئاوی زێی بچوك بەردەداتەوە

خەڵك-
ئاسیشی ئیدارەی راپەڕینیش هاوڵاتیانی دەڤەرەكە لە روودانی لافاو ئاگادار دەكاتەوە، هۆكاریی ئەمەش بەردانەوەی ئاوی زێی بچووك لەلایەن كۆماریی ئیسلامی ئێرانەوە دەگێڕێتەوە.

بەپێی ئاگادارییەك كە لەلایەن ئاسایشی راپەڕینەوە بڵاوكرایەوە”لەئێوارەی دوێنێوە ئێران ئاوی زێی بچووكی كردۆتەوە لەسەدی كۆڵەسەی شاری سەردەشت بۆ ئەو مەبەستە ئاگاداری هاووڵاتیان دەكەینەوە كە لەكاتی سەردانی كردنیان بۆ سەرزێی بچووك لەسنوری پشدەر، یان ئەو گوندنشینانەی دەكەونەسەر سەر زێی بچووك ئاگاداری خۆیانبن لەڕوداوی نەخوازراو”.

بەردانەوەی زێلای بچووك لەكاتێكدایە كە لەم وەرزەدا بارانێكی زۆر لە ناوچەكەدا باری، بەپێچەوانەوە كۆماری ئیسلامی ئێران لە وەرزەكانی بەهارو هاوینی ڕابردوو، بڕێكی كەمی ئاوی ئەو زێیەی بەردەدایەوە، بە جۆرێك كە زیانێكی زۆری بە زەوییە كشتوكاڵییەكانی هەرێمی كوردستان و ناوچەكانی ناوەڕاستی عێراق گەیاند.