سەردێر

چوار چەكداری داعش كوژران

ئۆپەراسیۆنەكان لە حەمرین بەردەوامن

خەڵك-
شانەی میدیای ئەمنی، دەستپێكردنەوەی پێكداهەڵپژانەكان لە حەمرین و كوژرانی 4 چەكداری داعش ڕادەگەیەنێت.

بەپێی بەیاننامەیەك كە لەلایەن شانەی میدیای ئەمنی عیراقەوە بڵاوكرایەوە”فەرماندەیی ئۆپەراسیۆنەكانی دیالە سێ‌ ڕۆژە بەردەوامە لە بەجێگەیاندنی ئەركەكانی، لەڕێی هێزێكی سەر بە لیوای 34 لە فیرقەی نۆ لە پاش پێكداهەڵپژان لەگەڵ چەكدارە تیرۆریستەكانی داعش، توانی 4 چەكداریی تیرۆریست بكوژێت لەكاتی گەڕان و كوێماڵكردن لە چوارچێوەی زنجیرە چیاكانی حەمرین”.

هەر لە بەیاننامەكەدا هاتووە”تائێستاش (كاتی ئامادەكردنی ئەم هەواڵە)، ئۆپەراسیۆنەكە بۆ ڕاوەدونانی چەكدارانی ڕێكخراوی داعش لە ناوچەكەدا بەردەوامە”.