سەردێر

دەستەی گەشتوگوزار؛ پێوستە چالاكی هاوبەشی هونەری گەشتیاری بكرێتە كلتورێكی نوێ

خەڵك –
سەرۆكی دەستەی گشتی گەشتوگوزار ڕایدەگەیەنێت ، بواری گەشتوگوزار دەتوانرێت بە دەست و خامە و داهێنانەكانی هونەرمەندان و شێوەكارانی هەرێمی كوردستان ڕەنگاڵەتر بكرێن و پێوستە چالاكی هاوبەشی هونەری گەشتیاری بكرێتە كلتورێكی نوێ.

ئەمەل جەلال، سەرۆكی دەستەی گشتی گەشتوگوزار لە پەیامێكدا بۆ هونەرمەندی شێوەكار ڕۆستەم ئاغالە چالاكییەكی شێوەكاری بە داهێنانێكی جوانی هاوبەشی هونەری گەشتیاری ناو دەبات و بە گرنگییەوە چالاكییەكەی هەڵدەسەنگێنێت ڕایگەیاندووە، بواری گەشتوگوزار دەتوانرێت بە دەست و خامە و داهێنانەكانی هونەرمەندان و شێوەكارانی هەرێمی كوردستان ڕەنگاڵەتر بكرێن.

لە پەیامەكەدا سوپاس و ستایشی هەوڵ و ماندووبوونی هونەرمەند ڕۆستەم ئاغالە-ی كردووە، كە بۆ ئەو داهێنانە جوانەی كردوویەتی و تابلۆكانی لە ناو چیا و سروشتی كوردستان نمایشكردووە، هەروەها سوپاسی ئەرك و ماندووبوونی بەڕێوەبەرایەتی گەشتوگوزاری سۆران كردووە، كە هاوكاربوون لە ئەنجامدانی ئەم چالاكییە ناوازەیە.

ڕاشیگەیاندووە، ئەمە داهێنانێكی جوان و ناوازەی هونەری گەشتیارییە و لەداهاتوودا یەكێك دەبێت لە هەنگاوەكانمان كە سوود لە وەرزەكانی ساڵ وەربگرین، چونكە هەڵكەوتەی سروشتی كوردستان بەجۆرێكە لەهەر پارێزگا و ناوچەیەك دەتوانرێت چەندان چالاكی گەشتیاری زستانە لە وەرزی بەفرباریندا ئەنجام بدرێت.

No description available.No description available.