سەردێر

لاوە عیراقییەكە لە یارییەكەی ئەمشەودا بەشدار دەبێت

ڕاهێنەری مانشستەر یونایتد بانگی كردووە

خەڵك-
راڵف راجنیك ڕاهێنەری یانەی مانشستەر یونایتد، لیستی ياريزانەكانى بۆ یارییەكەی ئەم شەو لەبەرامبەر نیوكاسڵ ڕادەگەیەنێت.

بەپێی لیستەكە، زێدان ئیقبال یاریزانی عیراقی لە ڕووبەڕووبوونەوەكەی ئەمشەودا دەبینرێت و لە تیپی دووەمی مانشستەر یونایتدەوە بانگهێشتكراوە.

بەشداریی ئەمجارەی ئیقبال لەگەڵ تیپی یەكەمی مانشستەر یونایتد، بە دووەم بەشداریی دادەنرێت، دوای ئەوەی لە یاریی شەیتانە سورەكان بەرامبەر بە یونگ بویز لە خۆلی یانە پاڵەوانەكانی ئەوروپا بەشداریی كرد.

ئەمشەو لە كاتژمێر 11ی شەو بە كاتی بەغدا، لە یاریگای سانت جیمس پارك و لە یارییەكانی گەڕی نۆزدەی پریمەرلیگ، مانشستەر یونایتد ڕووبەڕووی نیوكاسڵ دەبێتەوە.