سەردێر

ئاسایشی سلێمانی؛ هیچ كەس لەسەروو یاساوە نیە

خەڵك –
بەڕێوەبەرایەتی ئاسایشی پارێزگای سلێمانی ڕایدەگەیەنێت ، سەردانی خوێندنگەی (العالمیە المتحدە)یان كردووە و پشتیوانیان بۆ دەربڕین لە چارەسەری كێشەكەیان بەڕێگەی یاسایی و هەموو لایەكیش دڵنیادەكەنەوە، كە سلێمانی شاری پێكەوە ژیانە و لێرە هیچ كەس لە سەرو یاساوە نی یە.

بەڕێوەبەرایەتی ئاسایشی پارێزگای سلێمانی لەڕاگەیەنراوێكدا بڵاویكردەوە، كە ‏‎ڕۆژی شەممە ٢٠٢١/١٢/٢٥ سەردانی خوێندنگەی (العالمیە المتحدە) یان كرد و پاش كۆبونەوە لەگەڵ مامۆستایان و ستافی ئیدارەی خوێندنگەكە بەئامادەبوونی نوێنەری وەزارەتی پەروەردەی حكومەتی فیدراڵ و كەس و كاری خوێندكاران بەناوی بەڕێوەبەر و بەڕێوەبەرایەتی ئاسایشی پارێزگای سلێمانی یەوە پشتیوانیمان بۆ دەربڕین.

لە ڕاگەیەنراوەكەدا هاتووە، كە وەك ئاسایشی سلێمانی پشتیوانی تەواویان دەبن بۆ چارەسەری كێشەكەیان بە ڕێگەی یاسایی و دڵنیامان كردنەوە كە سلێمانی شاری پێكەوە ژیانە و لێرە هیچ كەس لە سەرو یاساوە نی یە .

‏‎