سەردێر

تەندروستی هەرێم بۆ ڕۆژانی پشوو ژمارەیەك بڕیاری نوێی دەركرد

خەڵك –
وەزارەتی تەندروستی حكومەتی هەرێم ڕایدەگەیەنێت، ئەو پشووەی ڕاگەیەنراوە وەك خۆی جێ بەجێ‌ دەكرێت و تەنها نەخۆشخانەكان و كەرتی تەندروستی ڕادەسپێردرێن ، كە ئێشكگریان هەبێت و كاروباری هاووڵاتیان ڕایی بكەن، دەشڵێت ،”دەوام لە پشوودا تەنها بەشێوەی ئیشكگر دەبێت”.

وەزارەتی تەندروستی حكومەتی هەرێم لە گشتاندنێكدا، كە وێنەیەكی دەست (خەڵك) كەوتووە تێیدا هاتووە، ئەو پشووەی لەلایەن حكومەتی هەرێمە ڕاگەیەنراوە، كە لە ڕۆژی 25ی 12ی 2021 دەست پێدەكات و تا ڕۆژی 2ی 1ی 2022 بەردەوام دەبێت وەك خۆی كاری پێدەكرێت و تەنها نەخۆشخانەكان ڕادەسپێردرێن، كە بەشێوەی ئێشكگر دەوام بكەن .

ئاماژە بۆ ئەوەشكراوە، كە تیمەكانی فریاگوزاری و هێڵی 122 بەردەوام دەبن لە ئەرك و بەشێوەی 24 كاتژمێری دەوام دەكەن و لەكاتی پێویستیشدا پێیوستە كۆگاكانی دەرمان كراوەبن .

‎May be an image of ‎دەق‎‎