سەردێر

ئاسایشی سلێمانی: ئەوانەی لە كوڕ و باوكەكەیان دابوو ئازادنەكراون

ڕوونكردنەوەیەكی بۆی ڕای گشتی بڵاوكردەوە

خەڵك-
بەڕێوەبەرایەتی ئاسایشی سلێمانی لەبارەی ئازادكردنی ئەو تۆمەتبارانەی هەڵیانكوتابووە سەر خوێندنگەیەك و لە خوێندكارێك و باوكیان دابوو، ڕوونكردنەوەیەك بڵاودەكاتەوە.

بەپێی ڕوونكردنەوەیەك كە لەلایەن بەڕێوەبەرایەتی ئاسایشی پارێزگای سلێمانییەوە بۆ ڕای گشتی بڵاوكرایەوە”سەبارەت بەهەواڵی ئازادكردنی تۆمەتبارانی كێشەی یەكێك لە خویندنگەكانی ناو شاری سلێمانی كە لەلایەن هێزەكانی بەڕێوەبەرایەتی ئاسایشی سلێمانی یەوە دەستگیركران و پاش ڕاگرتنیان بەپێی ماددەی 413 لە یاسای سزادان و دواتر لەسەر فەرمانی بەڕێز دادوەر ئازادكران بە بارمتەی یاسایی”.

هەر لە ڕوونكردنەوەكەدا هاتووە”بۆ ڕای گشتی ڕادەگەیەنین لەبەر ئەوەی تۆمەتباران سەربازن و بەجل و بەرگ و چەكی سەربازییەوە هەستاون بە هەڵكوتانە سەر خوێندنگەیەك و لێدانی خویندكارێك وباوكی خوێندكارەكە، لە ئێستادا ئەو تۆمەتبارانە لەسەر فەرمانی ئەنجومەنی لێكۆلینەوەی وەزارەتی پێشمەرگە / فەرماندەیی هێزەكانی (70 ) لە بەڕێوەبەرایەتی ئاسایشی سلێمانی بەڕاگیراوی ماونەتەوە بە مەبەستی ڕادەست كردنیان بە یەكەی سەربازی هێزەكانی (70) و ئەنجامدانی لێكۆڵینەوە و سزادانیان بە پێی یاسای سەربازی، تا هیچ كەسێك ناوی پیرۆزی پێشمەرگەو دەزگا ئەمنییەكان بۆ مەرامی تایبەتی خۆی بەكار نەهێنێت”.