سەردێر

ڤیدیۆ، مانگرتنی سەرتاسەری لە ڕۆژهەڵاتی كوردستان دەستیپێكرد

خەڵك-

ژمارەیەك لە چالاكی مەدەنی داوای مانگرتنی سەرتاسەریان لە ڕۆژهەڵاتی كوردستان كردووە و بەپێی زانیارییەكانیش مانگرتن دەستیپێكردووە.

دوای لەسێدارەدانی حەیدەر قوربانی بە تۆمەتی كوشتنی بەسیجی ئێرانی، ئەمڕۆ مانگرتنی سەرتاسەری لە ڕۆژهەڵاتی كوردستان دەستیپێكردووە و حزبەكانی ڕۆژهەلاتی كوردستانیش پشتیوانی مانگرتنەكەن.

حەسەن كاكیلی بەرپرسی سیاسی هێزی پارێزگاری حزبی دیموكراتی كوردستان بە (خەڵك)ی ڕاگەیاند، ناوەندی هاوكاری حزبەكانی ڕۆژهەڵاتی كوردستان لەبارەی لەسێدارەدانی حەیدەر قوربانی ڕاگەیەنراوی بڵاوكردووە و بە توندی ئیدانەی كردووە.
دەشڵێت” ناوەندی هاوكاری هەمیشە داوای لە هاووڵاتیان كردووە لە بەرانبەر ئەو بابەتانە هەڵوێستیان هەبیـَت”.

ئاشكراشیكرد، حزبەكانی ڕۆژهەڵات بە ڕەسمی و بەشێوەی ڕاگەیەنراو داوای مانگرتنیان نەكردووە، بەڵام لەلایەن ئەندامانمانەوە ئەو داوایە لە خەڵكی ڕۆژهەڵات كراوە.