سەردێر

بەفر و باران بارینی بەلێزمە دەستپێدەكات

خەڵك-

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە.

بەپێی پێشبینییەكانی كەشناسی، ئەمڕۆ پێنج شەممە ئاسمان هەور و باران بارین دەبێت، لەكاتەكانی دوای نیوەڕۆ ئاستی باران زیاتر دەبێت و لە هەندێك ناوچە لێزمە باران دەبێت، بەفر بارین بە تێكەڵی لەگەڵ نمە باران لە هەندێ قەزا و ناحیە و ناوچە شاخاوییەكان دەبێت و لەسەر لوتكەی چیاكانیش ئاستی بەفر زیاتر دەبێت.

هەر بەپێی پێشبینییەكان، سبەینێ هەینی لەكاتەكانی بەرەبەیان ئاسمان هەورە و باران بارین دەبێت لە ناوچە جیاجیاكان، لەگەڵ بەفر بارین لە ناوچە شاخاوییەكان لەكاتی دوای نیوەڕۆ بەفر و باران بارین كۆتایی دێت.