سەردێر

هیچ كەسێك لە سلێمانی بە كۆرۆنا نەمردووە

خەڵك-
لەگەڵ كەمبوونەوەی حاڵەتەكانی تووشبوون و مردن بە كۆرۆنا لە هەرێم و كۆتایی هاتنی شەپۆلی سێیەمی ڤایرۆسی كۆرۆنا، بۆیەكەمجار ئەمڕۆ هیچ حاڵەتێكی مردن بە كۆرۆنا لەناو شاری سلێمانی تۆمارنەكرا.

سامان شێخ لەتیف، بەڕێوەبەری ڕاگەیاندن و پەیوەندییەكانی تەندروستی سلێمانی بۆ (خەڵك) ڕایەیاند، لە 24 كاتژمێری ڕابردوودا مردن بە كۆرۆناوە لە نەخۆشخانەكانی ناو شاری سلێمانی سفر بووە، بۆیە سوپاسی پابەندبوونی هاووڵاتیان و شەونخوونی پزیشكان و كارمەندانی تەندروستی دەكەین.

ڕاشیگەیاند، لە ئێستادا تەنها (59) نەخۆش لەنەخۆشخانەی شەهید د. هێمن-ی تایبەت بە كۆرۆنا لە سلێمانی ماون، كە (37) نەخۆشیان لە قاوشن و (22) نەخۆشیش لە چاودێری چڕ.

لە سەرهەڵدانی ڤایرۆسی كۆرۆناوە تاوەكو ئێستا 3 شەپۆلی ئەو پەتایە هەرێمی كوردستانی گرتۆتەوە و تاوەكو ئێستا 7 هەزار و 60 كەس بە پەتاكە گیانیان لەدەستداوە و 379 هەزار و 655 كەس تووشبوون و هەروەها 369 هەزار و 929 كەس چاكبوونەتەوە.