سەردێر

لیرە دابەزینێكی گەورەی دیكەی تۆماركرد

خەڵك –

ئەمڕۆ دوو شەممە لیرەی توركی دابەزینێكی گەورەی دیكەی تۆماركرد لە چوارچێوە داكشانە بەردەوامەكانیدا.

ئەمڕۆ 100 دۆلاری ئەمریكایی بە 17.50 لیرە لە بازاڕەكاندا مامەڵەی پێوەكرا.

دابەزینی بەهای لیرە، توركیا و رەجەب تەیب ئەردۆغان سەرۆكی ئەم دەوڵەتی دووچاری تەنگەژەیەكی گەورەی سیاسیی و ئابووریی كردووە.

ئابووریی بەشێوەیەكی بەرچاو پاشەكشەی كردووە، كەلوپەل و پێویستی رۆژانە نرخیان زۆر بەرزبووەتەوە، گوزەران و ژیانی هاووڵاتیان زۆر خراپ بووە، كۆمپانیاكان و كارگەكان فشاری زۆریان لەسەر بەشێكیان مایەپووچ بوون.

تا دێت فشارەكان لەسەر رەجەب تەیب ئەردۆغان سەرۆكی ئەم دەوڵەتە زۆرتر دەبن، چونكە ئەو بەهۆكاری ئەم تێكچوونەی رەوشی ئابوورییە دەزاندرێت بەهۆی پەلهاوێشتنەكانی بۆ وڵاتانی دراوسێ و ناوچەكە.

ئۆپۆزسیۆن و بەشێك لە هاووڵاتیان داوای هەڵبژاردنی پێشوەختە دەكەن، كە كاتی هەڵبژاردنەكان بەشێوەیەكی ئاسایی لە ساڵی 2023یە، بەڵام ئەردۆغان بە توندی رەتیدەكاتەوە.