سەردێر

داعش هێرشیكردە سەر هێزێكی سەر بە ئێران

 

خەڵك –

دوێنێ یەكشەممە لە هێرشێكی چەكدارانی‌ داعش بۆ سەر هێزی پاسەوانی دامەزراوە نەوتییەكان لە دێرەزور لە رۆژهەڵاتی سوریا، سێ چەكدار كوژراون و زیاتر لە 10ی‌ تر برینداربوون.

سەرچاوەیەكی سەربازی بە ئاژانسی نۆرس پرێس-ی راگەیاند، چەكدارانی داعش بە چەكی سوك و قورس هێرشەكەیان بۆ سەر چەند خاڵێكی دامەزراوە نەوتییەكان ئەنجامداوە، كە لەلایەن لیوای باقری هاوسۆز لەگەڵ ئێران پاسەوانی لێدەكرێت.

سەرچاوەكە ئاشكرایكردووە، بەهۆی هێرشەكەوە سێ چەكداری لیواكە كوژراون و زیاتر لە 10 چەكداری تریش برینداربوون.

هێرشكەرەكان جلوبەرگی داعشیان پۆشیوەو ئاڵای داعشیان بەرزكردووەتەوە، دوای‌ ئەوەی‌ سەعاتێك بەردەوام بوون لە شەڕكردن، دواتر بەرەو بیابان رۆشتوون.

بەگوتەی‌ سەرچاوەكەی‌ نۆرس پرێس دوای‌ ئەوەی‌ لە كۆتاییەكانی ساڵی 2017 داعش لە ناوچەكە دەركرا، هێزەكانی سەر بە ئێران و حكومەتی دیمەشق دەستیانگرت بەسەر ناوچەیەكی فراوانی دێرەزور.

پێش دوو رۆژ لەمەوبەریش، لە هێرشی ژمارەیەك چەكداری نادیاردا بۆ سەر چەند خاڵێكی سەربازی لە باشووری تەدموور لە رۆژهەڵاتی ئاسیا، 5 چەكداری ئێرانی كوژراون.