سەردێر

جارێكی دیكە ئاڵتون هەرزان بوو

خەڵك-
نرخی زێڕ لە بۆڕسەی جیهانی دوای بەرزبوونەوەی بەشێوەیەكی كاتی بەهۆی كاریگەری زیادبوونی ڕێژەی بێكاری لە ئەمریكا، ئەمڕۆ جارێكی دیكەی نرخەكەی هەرزان بووەوە و نزیكەی 10 دۆلار نرخەكەی شكاوە.

دانا وەرتی، خاوەنی زێڕنگەری ئازوورا لە هەولێر بۆ (خەڵك) ڕایگەیاند، پێشتر ڕێژەی سكاڵا لەسەر بێكاری لە ئەمریكا 184 هەزار كەس بوو، بەڵام لە ئێستادا گەیشتووە بە 206 هەزار و ئەوەش كاریگەری نەرێنی هەبوو لەسەر نرخی دۆلار، بەڵام بووە هۆی بەرزبوونەوەی نرخی زێڕ لە بۆرسەی جیهانی.

ڕاشیگەیاند، نرخی یەك ئۆنسەی زێڕ لە 1788 دۆلارەوە گەیشتبووە 806 دۆلار، بەڵام ئەمڕۆ جارێكی دیكە نرخەكەی بەهۆی زیادبوونی ڕێژەی بێكاری لە ئەمریكا دابەزیوە و بووە بە 1798 دۆلار.

ئاماژەی بەوەشكرد، ئەمڕۆ نرخی یەك مسقاڵ زێڕی عەیار 24 بە 428 هەزار دینارە و عەیار 21 بە 376 هەزار دینارە و عەیار 18 بە 323 هەزار دینارە.