سەردێر

كاتی دەوام و ڕایی كردنی مامەڵەی هاووڵاتیان لە چەند فەرمانگەیەك گۆڕا

خەڵك-
كاتی دەوام و ڕایی كردنی مامەڵەی هاووڵاتیان لە فەرمانگەكانی سنووری بەڕێوەبەرایەتی پاسپۆرتی پارێزگای هەولێر دەگۆڕێت.

بەڕێوەبەرایەتی پاسپۆرتی پارێزگای هەولێر لە ڕاگەیەنراوێكدا ئاماژەی بەوەكردووە، سەرجەم مامەڵەكانی دەرهێنان و نوێكردنەوە و وەرگرتنەوەی پاسپۆرت لە سەرجەم نووسینگەكانی پاسپۆرت (نووسینگەی یەك – نووسینگەی دوو – نووسینگەی سۆران – نووسینگەی كۆیە)ی پاسپۆرتی پارێزگای هەولێر لە ڕۆژی یەك شەممە ڕێكەوتی ( 19/12/2021) تاكو ڕۆژی چوار شەممە رێكەوتی (22/12/2021) مامەڵە وەردەگیرێ.

ڕاشیگەیاندووە، ڕۆژی پێنج شەممە ڕێكەوتی (23/12/2021) تەنها وەرگرتنەوەی پاسپۆرت هەیە هیچ جۆرە مامەڵەیەك وەرناگیرێ.

ئاشكراشی كردووە، كاتی دەوامی فەرمی لە كاتژمێر (2:00)ی دوای نیوەڕۆ تاكو (6:00)ی ئێوارەیە، بۆیە داوا لە هاووڵاتیان دەكەین لەكاتی دیاریكراو سەردانمان بكەن بە مەبەستی ڕایی كردنی مامەڵەكانیان.