سەردێر

هاووڵاتیەكی هەولێر: پڕۆژەكانی بەرپرسان زیانیان پێناگات

خەڵك-ئارام سەردار

ئەمڕۆ شەممە ١٨ی كانوونی یەكەمی ٢٠٢١، تیمەكانی خاوێنكردنەوە لەم شوێنانەی بەهۆی لافاوەكە زیانی پێگەیشتبوو هەڵمەتی پاككردنەوەیان ئەنجامدا و تائێستاش هەڵمەتەكە بەردەوامە، هاووڵاتیەكیش ڕایدەگەیەنێت، هیچ كەسێك نەچووە ناویان تۆماربكات، كە زیانەكانیان چی بووە.

هاووڵاتیەكی زیانپێگەیشتوو بەهۆی لافاوەكە لەدارەتوو بە(خەڵك)ی ڕاگەیاند، تەنها تەنكەرێك ئاو هاتووە بۆئەوەی ماڵەكەم بشووات منیش ڕەتم كردەوە، چونكە لەدوێنێوە ماڵەكەمان لەم دۆخەیە، بەڵام بەداخەوە هیچ كەسێك نەهاتووە ناویان تۆماربكات، كە زیانەكانیان چی بووە.

دەشڵێت: “زۆر قوڕسە تا دینارێك پەیدا دەكەی ئینجا ئەو كەل و پەلەی كڕیوتە بە پارەی ماندووبوون فڕێی بدەی”.

ئەوەش دەخاتەڕوو، دەیان پڕۆژەی گەورە و شاری گەورەی پڕ خزمەتگوزاریان بۆخۆیان دروستكردوە و هیچ ڕووداوێك لەوێ دروست نابێت، بەڵام بەهۆی نەبوونی خزمەتگوزاری لەگەڕەك و شوێنەكانی، كەخەڵكی هەژار تێیدا نیشتەجێن ڕووداوی لەم شێوەیە دروست دەبێت، ئێمەش گەر پارەمان هەبوایە دەچووین لەشارە گرانبەهاكانی زۆنی زێڕی هەولێر دادەنیشتین و خانوومان دەكڕی.

No description available.No description available.No description available.No description available.No description available.No description available.