سەردێر

گەنجێك لە سلێمانی لافاو بردی و بێ‌ سەروشوێنە

خەڵك-
لە ئێوارەی دوێنێوە بەهۆی بارانی لێزمە و دروست بوونی لافاو، گەنجێك ئاو بردوویەتی و تا ئێستا چارەنووسی نادیارە و داوای بەهاناوەچوون لە هاووڵاتیان و لایەنە پەیوەندیدارەكان دەكرێت.

محەمەد كەمال، شارەزای كەشناسی لە گەرمیان بۆ (خەڵك) ڕایگەیاند، لەئێوارەی دوێنێوە گەنجێك بەناوی (ڕامیار بەختیار) كە خەڵكی تەكیەیە و تەمەنی لەنێوان 15 بۆ 17 ساڵە بەهۆی بارانی بەهێزەوە لە پردی نێوان تەکیە- چەمچەماڵ خزاوە و بەهۆی هاتنی لافاوی كتوپڕ ئاو بردویەتی.

ڕاشیگەیاند، ئەو گەنجە لەگەڵ هاوڕێكانی بە مەبەستی ڕاوكردن چوونەتە ئەو شوێنە و تا ئێستا نەدۆزراوەتەوە و بێ‌ سەروشوێنە.

دەشڵێت: “لێرەوە داوا دەكەم لایەنی پەیوەندیدار بێتەسەرخەت و هەوڵی دۆزینەوەی بدەن”.