سەردێر

باران بارین بەردەوام دەبێت

خەڵك-

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە.

بەپێی پێشبینییەكانی كەشناسی، ئەمڕۆ شەممە ئاسمان هەوری تەواو دەبێت لە دوای نیوەڕۆ بارانی پچڕ پچڕ دەستپێدكەات كە هەندێكجار ئەگەری لێزمە باران و هەورە بروسكە هەیە بۆ ماوەیەكی كەم، هەروەها لە ناوچە شاخاوییەكان سنوورییەكانیش بەفر دەبارێت.

هەر بەپێی پێشبینییەكان، سبەینێ یەك شەممە ئاسمان هەوری تەواو دەبێت لە زۆربەی كاتەكاندا، لە دوای نیوەڕۆ ئەگەری نمە باران پچڕ پچڕ لە هەندێك ناوچە هەیە لە هەندێك كات.

ئاشكراشیكرد، ئێستا لە زۆربەی ناوچەكانی هەرێمی كوردستان تەم درووست بووە كە بووەتەهۆی كەمبوونی مەودای بینین بۆ خوار 1 كم. پێشبینی دەكرێ تاكوو نیوەرۆ كاریگەرییەكەی كەم بێتەوە.

بەرێوەبەرایەتی گشتی كەشناسی و بومەلەرزەزانی هەرێمی كوردستان لە ڕاگەیەنراوێكدا ئاماژە بۆ ئەوە دەكات، لە 24 كاتژمێری ڕابردوودا زۆرترین باران ناوچەی یاخسەمەر سەر بە پارێزگای سلێمانی بە بڕی 142.8ملم باریوە.