سەردێر

دەوامی ناوەندەكانی خوێندن ڕادەگیرێت لەو شوێنانەی بەهۆی لافاوەوە زیانیان پێگەیشتووە

 

خەڵك
بەهۆی ئەو لافاوەی لە چەند ناوچەیەكی هەرێم و بەتایبەت پارێزگای هەولێر دروست بووە، سبەی دەوام لە ناوەندوكانی خوێندن ڕادەگیرێت لەو شوێنانەی بەهۆی لافاوەوە زیانیان پێگەیشتووە، هەتا ئاسایی بوونەوەی بارودۆخەكە.

وەزارەتی پەروەردەی حكومەتی هەرێمی كوردستان لە ڕاگەیانراوێكدا بڵاویكردەوە، تەواوی ئەوگەڕەكانەی بەر لافاو كەوتون دەوام لە ناوەندەكانی خوێندن رادەگیرێت لە بەیانی رۆژی شەممە رێكەوتی ١٨ی١٢ی٢٠٢١، تاوەكو كاتی ئاسایی بوونەوەی دۆخەكە و بڕیار و ڕێنوێنییەكانی پارێزگای هەولێر جێبەجێ دەكەن.

دەقی ڕاگەیانراوەكەی وەزارەتی پەروەردە..
وێرای دەربڕینی هاوخەمی و پرسە و سەرەخۆشیمان لە قوربانیانی لافاوەكەی شەوی هەینی لە هەولێری پایتەخت، ئاگادارتان دەكەینەوە :

1. تەواوی ئەوگەڕەكانەی بەر لافاو كەوتون دەوام لە ناوەندەكانی خوێندن رادەگیرێت لە بەیانی رۆژی شەممە رێكەوتی ١٨ی١٢ی٢٠٢١، تاوەكو كاتی ئاسایی بوونەوەی دۆخەكە و بڕیار و ڕێنوێنییەكانی پارێزگای هەولێر جێبەجێ دەكەن.

هەر مامۆستا و قوتابییەكیش كە دانیشتووی ئەو گەڕەكانە بێت و دەوامی لەدەرەوەی ئەو گەرەكانە بێت كە بەر لافاو كەوتوون بەهۆی ئەوەی زیانیان بەركەوتووە دەوام ناكەن و مۆڵەت پێدراودەبن .

٢- بەرێوەبەرایەتی پەروەردەی قەزاكان بە هەماهەنگی لەگەڵ سەرۆكی یەكەی كارگێری لە كوردستان دەسەڵاتی تەواویان دەبێت لە هەر شوێنێك بەهۆی دۆخی كەشوهەوا بزانن كاریگەریی و مەترسی دروست دەبێت پێویستە (پێشوەختە بریار بدەن ) بۆ ڕاگرتنی دەوام بەمەبەستی پاراستنی سەلامەتی گیانی مامۆستایان و قوتابیان و خوێندكاران .