سەردێر

مەسرور بارزانی: لێكۆڵینەوە لە ھۆكارەكانی دروسبوونی لافاو لە پارێزگای ھەولێر دەكەین

خەڵك
ئێوارەی ئەمڕۆ هەین سەرۆكی حكومەتی هەرێم لە باڵاخانەی پارێزگای هەولێر، سەرپەرشتی كۆبوونەوەیەكی كرد كە تایبەت بوو بە كارەساتی لافاوی هەولێر .

دوابەدوای كۆبونەوەكە، مەسرور بارزانی، سەرۆكی حكومەتی هەرێم ڕایگەیاند، سەرەخۆشی لە كەسوكاری قوربانیانی لافاوەكە دەكەم، دەستخۆشی و سوپاسیشم هەیە بۆ وەزیرە بەڕێزەكان و پارێزگار و بەرپرسانی یەكە ئیدارییەكان.

ئاماژەی بە ئەوەشكرد، ئەمەی ڕوویداوە سوپاسگوزاریی خوای دەوێت، بو هەر بارێكیش كە هاتووەتە پێش لە ئامادەباشیدابووین، بەدواداچوونیش دەكەین بۆ كەمتەرخەمییەكان كە بوونەتەهۆی دروستبوونی لافاو رێگریكردن لە دووبارەبوونەوەی.

سەرۆكی حكومەت دەشڵێت، لێچێچینەوە لەوانە دەكەین كە كەمتەرخەمبوون و دو لیژنەش پێكهێنراوە یەكێكیان بۆ لێكۆڵینەوە لە هۆكارەكانی ڕوودانی لافاو و ئەوەی دیكەشیان بۆ خەمڵاندنی ئەو زیانانەی كە بەهۆی ڕودانی لافاوە وە بە هاووڵاتییان گەیشتووە.

ئەمە لەكاتێكدایە، بەرەبەیانی ئەمڕۆ لە پارێزگای هەولێر بەهۆی بارانی زۆرە وە لافاو دروست بوو، بەهۆیەوە 11 كەس گیانیان لەدەستدا و زیانێكی زۆریش بەر ماڵ و ئۆتۆمبێلی هاووڵاتییان كەوت.