سەردێر

رێگای هەولێر- پیرمام و كەركوك داخرا

خەڵك

بەهۆی لافاو و بارانەوە هەردوو رێگای هەولێر- پێرمام و هەولێر- كەركوك داخران و هاتووچۆ تێیاندا ئەستەم بووە.

بەپێی زانیارییەكان لەبەیانی ئەمڕۆوە لافاو لە هەولێر درووستبووە و بەهۆیەوە زیانی گیانی و ماڵی زۆر هەیە.

بەهۆی باران بارینی بەخوڕ بەرەبەیانی ئەمڕۆ لافاو لە چەند گەڕەك و ناوچەیەكی شاری هەولێر دروستبووە و بەپێی زانیارییە سەرەتاییەكان زیانی گیانی و ماڵی هەیە.

ئومێد خۆشناو پارێزگاری هەولێر، ڕایگەیاندووە؛ بەرە بەیانی ئەمڕۆ كاتژمێر چوار، لافاو دروستبووە و زیانی ماڵی و مرۆیی هەیە.

راشیگەیاندووە؛ لەو شوێنانەی لافاو هەستاوە، هاتووچۆی تیمەكان ئاسان نییە و داوای هاوكاری لە هاووڵاتیان دەكەین.

بەپێی زانیارییە سەرەتاییەكان لە سنووری پارێزگای هەولێر تا ئێستا 8 كەس گیانیان لەدەستداوە و ژمارەیەك كارمەندی تیمە فریاگوزارییەكان بریندارن و یەك ئۆتۆمبێلی تیمەكانیش ئاو بردوویەتی.