سەردێر

كۆمپانیای بەڕێز بەشەناوخۆییەك بۆ خوێندكارانی هەڵەبجە دروست دەكات

هەڵەبجە ـ نزار جەزا
گروپی كۆمپانیاكانی بەڕێز بەشە ناوخۆییەكی تایبەت بە خوێندكارانی زانكۆ و پەیمانگاكانی پارێزگای هەڵەبجەی كردەوە.

بەمەبەستی خزمەتكردنی زیاتری سنووری پارێزگای هەڵەبجە و هاوكاریكردنی زیاتری خوێندكاران، گروپی كۆمپانیاكانی بەڕێز بەشە ناوخۆییەكی تایبەت بە خوێندكارانی زانكۆ و پەیمانگاكانی دروستكرد.

ئەم بەشە ناوخۆییە پێكدێت لە 10 ژوور، كە هەموویان خزمەتگوزاری تەواویان تێدایە و هۆڵ و چێشتخانە و تەوالێت و حەمامی تێدا دروستكراوە.

ئەمە لەكاتێكدایە لەماوەی ڕابردوودا خوێندكارانی زانكۆ و پەیمانگاكان زنجیرەیەك خۆپیشاندانیان ئەنجامدا، كە یەكێك لەداواكارییەكانیان باشتركردنی خزمەتگوزاریی بەشە ناوخۆییەكان بوو.