سەردێر

لە توركیا لەسەر شەنگال مشتوومڕە

خەڵك

لە نێو توركیا لەسەر رەوشی شەنگال مشتومڕە لەنێوان دەسەڵات و ئۆپۆزسیۆندا.

پەرلەمانتارانی پارتی دیموكراتی گەلان هەدەپە رەخنەیان لە حكومەت گرتووە لە بارەی ئۆپەراسیۆنەكانی شەنگال.

لای خۆیەوە مەولود چاوش ئۆغلۆ وەزیری دەرەوەی توركیا لە پەرلەمان لە گوتاری خۆیدا وەڵامی توندی پەرلەمانتارانی هەدەپەی دایەوە.

ئۆغلۆ رایگەیاند ئێوە نوێنەرایەتی خوشك و برایانمان لە شەنگال ناكەن.

راشیگەیاند لە شەنگال داعش نەماوە، بەڵام پەكەكە هەیە، كاتێك لەوێ ئۆپەراسیۆن دەكەین، پەكەكە ئێزدیان دەكاتە قەڵغانی مرۆیی و نادیە مورادیش ئەو قسانەی كردوون.

لە چەند رۆژی رابردوودا فڕۆكەكانی توركیا دوو هێرشیانكردووە، لە هێرشێكدا سەركردەیەكی ئێزدی سەر بە پەكەكە كوژراوە.

لەبەرامبەردا لایەنگرانی پەكەكە خۆپیشاندانیان سازكرد لە شەنگال شەڕ هاتەئاراوە لەگەڵ هێزە عێراقییەكان، لەوێ هێزە عێراقییەكان كشانەوە بۆ ماوەی رۆژێك دەوامی فەرمانگەكان راگیرا.