سەردێر

بوومەلەرزەیەكی بەهێز ئیندۆنێزیای هەژاند

خەڵك

بوومەلەرزەیەك بەگوڕی ٧،٣ پلە لەسەر پێوەری رێختەر رۆژهەڵاتی ئیندۆنێزیای هەژاند.

بەپێی دەستەی رووپێویی جیۆلۆجیی ئەمریكا (USGS)، بوومەلەرزەیەك بەگوڕی ٧،٣ پلە لەسەر پێوەری رێختەر رۆژهەڵاتی ئیندۆنێزیای هەژاندووە.

بوومەلەرزەكە كە كاتژمێر ١١:٢٠ بەكاتی ئیندۆنێزیا كەناراوەكانی هەرێمی فلۆرێس ئایسلاندی گرتووەتەوە لە قوڵایی ١٨،٥ كیلۆمەتر روویداوە و دوای بوومەلەرزەكەش هۆشداری درا لەبارەی روودانی تسۆنامی.

وتەبێژی ئاژانسی كەمكردنەوەی كاریگەرییەكانی كارەساتە سروشتییەكان لە ئیندۆنێزیا، عەبدول موهاری ئاماژەی بەوە كرد كە لە ناوچەكەدا، بەتوندی هەست بە هێزی بوومەلەرزەكە كراوە.

دەشڵێت ”هێشتا زانیاری نییە لەبارەی زیانەكان، بەڵام تیمە پەیوەندیدارەكان لە هەوڵدان بۆ كۆكردنەوەی زانیاری”.

لە مانگی كانوونی دووەمدا لە دوورگەی وێست سولاوێسی باكووری رۆژهەڵاتی ئیندۆنێزیا، بوومەلەرزەیەك بەگوڕی ٦،٢ پلە روویدا و بەهۆیەوە زیاتر لە ١٠٠ كەس گیانیان لەدەست دا.
سەرچاوە/AA