سەردێر

وەزیری دارایی هەرێم؛ پێشینەی وەزارەتەكان بۆ فەمانبەرانی گرێبەست ڕادەگیرێت

خەڵك –
وەزارەتی دارایی وئابووری حكومەتی هەرێم ڕایدەگەیەنێت ، تا ڕۆژی 20ی 12ی 2021 داتا و ئامار و زانیاری فەرمانبەرانی گرێبەستی بودجەی ئاسایی و بودجەی (پەرەپێدان و پێشینەی بەردەوام و داهات) نەگاتە دەستیان بۆ ساڵی داهاتوو سەرجەم پێشینە بەردەوامەكان دەبڕێت.

لەنوسراوێكدا، كە ئاڕاستەی سەرجەم وەزارەتەكانی نەبەستراو بە وەزارەتی دارایی و ئابووری كراوە و واژۆی ئاوات شێخ جەناب، وەزیری دارایی و ئابووری لەسەركراوە تێدا هاتووە، كە جارێكی دیكە جەخت لە ناردنی داتا و ئامار و زانیاری فەرمانبەرانی گرێبەستی بودجەی ئاسایی و بودجەی (پەرەپێدان و پێشینەی بەردەوام و داهات) دەكەنەوە.

لە نوسراوەكەدا هاتووە، تا ڕۆژی 20ی 12ی 2021 تەواوی داتا و ئامار و زانیارییەكانی داواكاراوە نەگاتە دەستیان ئەوا پێشینەی بەردەوامی بەردەستی وەزارەتەكەیان ڕادەگیرێت و خەرج ناكرێت .