سەردێر

ژمارەی كۆچبەرە عیراقییەكانی سەر سنوری پۆڵەندا ئاشكرادەكرێت

خەڵك-
ئیڤان فایەق وەزیری كۆچ و كۆچبەرانی عیراق، ژمارەی كۆچبەرە عیراقییەكانی سەر سنوری پۆلەندا ئاشكرا دەكات.

ئەمرۆ دوو شەممە، ئیڤان قایەق لە لێدوانێكی ڕۆژنامەوانیدا ڕایگەیاند”شاندێكی وەزارەتەكەیان بە سەرۆكایەتی كەریم نوری بریكاری وەزارەت چۆتە پۆڵەندا بۆ چارەسەركردنی كیشەی كۆچبەرە گیرخواردووەكان، و ئامادەكاریی بۆ گەڕانەوەی ئارەزوومەندانەیان”، ڕەتیشیكردەوە ئەوان لەگەڵ گەڕانەوەی زۆرمەلێی كۆچبەراندا بن.

بە وتەی وەزیری كۆچ و كۆچبەرانی عیراق”وەزارەتەكەیان پەیوەندی بەردەوامی لەگەڵ (UN) ، چونكە زۆربەی ئەوانەی لە كەمپەكاندان لە پۆڵەندا، گەڕانەوە ڕەتدەكەنەوە، لەئێستاشدا زیاتر لە 4 هەزار كۆچبەر لەسەر سنورەكانی نێوان پۆڵەندا و بیلاڕوسیان”.

دەسەڵاتدارانی عیراق توانییان نزیكەی دوو هەزار كۆچبەر بەشێوەیەكی ئارەزوومەندانە و بە چوار كاروان، بگێڕنەوە بۆ وڵات كە لەنێوان سنورەكانی بیلاڕوس و پۆڵەندا گیرییان خواردبوو.