سەردێر

لە شەنگال دەوام دەستیپێكردەوە

خەڵك

لە شەنگال بەیانی ئەمڕۆ دەوامی فەڕمی لە دامەزراوە حكومییەكان دەستیپێكردەوە.

دوێنێ ئیدارەی خۆسەری شەنگال كە لەلایەن پەكەكەوە پشتیوانی دەكرێت بڕیاری راگیرانی دەوامی لە فەرمانگە حكومییەكان بۆ كاتێكی نادیار دەركرد.

ئەم بڕیارە دوای بۆردومانكردنی باڵەخانەیەكی حكومی بوو لە شارۆچكەی خانەسۆر لەلایەن فڕۆكە جەنگییەكانی توركیا و شەهیدبوونی بەرپرسێكی دیكەی حكومی لە سنوورەكە لە هێرشە ئاسمانییەكاندا.

ئەم بڕیارەی ئیدارەی خۆسەر ناڕەزایەتی دروستكرد، بۆیە ئەمڕۆ جارێكی دیكە دەوامی فەڕمی دەستیپێكردەوە.

لەلایەكی دیكەوە دوێنێ هاووڵاتیانی شەنگال دژی سووپا و هێزە ئەمنییەكانی عێراق خۆپیشاندانیان سازكرد بەهۆكاری بێدەنگییان لەبەرامبەر هێرشە ئاسمانییەكاندا.

لە ئەنجامی ئەم خۆپیشاندانە گرژی و شەڕ لەنێوان هەردوولادا رووی دا و ژمارەیەك كەس بریندار بوون و زرێپۆشێكی سووپاش سووتێندرا.