سەردێر

نزیكەی 10 هەزار كەس تاقیكردنەوەی فەرموودەی پێغەمبەر ئەنجام دەدەن

خەڵك-

لێپرسراوی لقی سلێمانی ڕێكخراوی گەشەپێدانی قوتابیانی كوردستان ڕایدەگەیەنێت، ئەمڕۆ هەینی بە بەشداری نزیكەی 10 هەزار كەس تاقیكردنەوە بۆ 40 فەرمودەی پێغەمبەر (درودی خوای لەسەر بێت) ئەنجام دەدرێت.

ئەنوەر عەرەب لێپرسراوی لقی سلێمانی ڕێكخراوی گەشەپێدانی قوتابیانی كوردستان بە (خەڵك)ی ڕاگەیاند، ئەمڕۆ هەینی 10-12-2021 تاقیكردنەوەی پڕۆژەی “نووری جیهان” كە تاقیكردنەوەی 40 فەرمودەی پێغەمبەری ئیسلامە (درودی خوای لەسەر بێت) ئەنجام دەدرێت.
وتیشی”پڕۆژەكە سەرتاسەرییە و بە بەشداری 9 هەزار و 554 كەس كاتژمێر 3ی پاشنیوەڕۆ ئەنجامدەدرێت”.