سەردێر

ئاسایشی سلێمانی ڕوونكردنەوەیەكی بەپەلەى بڵاوكردەوە

خەڵك –
بەڕێوەبەرایەتی ئاسایشی سلێمانی لەبارەی دەستگیركردنی چەندین تیرۆریست و شكست پێهێنانی پیلانێكی تیرۆریستانی داعش بۆ تێكدانی ئاسایشی ھەرێم ڕوونكردنەوەیەك بڵاودەكاتەوە.

بەڕێوەبەرایەتی ئاسایشی سلێمانی لە ڕوونكردنەوەیەكدا لەبارەی دەست گیر كردنی گروپێكی تیرۆریستی داعش لە پارێزگای هەڵەبجە ڕایگەیاندووە، لەئەنجامی چاودێری و كۆكردنەوەی زانیاری وورد لەسەر گروپێكی سەر بەو ڕێكخراوە پاش دەستخستنی بەڵگەی تەواو لەسەریان كە مەرامیان بوو لەسنوری پارێزگای سلێمانی و هەڵەبجە و ئیدارەی گەرمیان كردەوەی تیرۆریستی ئەنجام بدەن و ئاسایشی ھەرێم تێكبدەن.

ئاماژەبۆ ئەوەشكراوە، لەبەر سەلامەتی لێكۆڵینەوەكان و پاراستنی دۆسیەكە زانیارییەكانی پەیوەست بەم پیلانەی تیرۆریستان دەھێڵینەوە و لە داھاتوویەكی نزیكدا بە بەڵگەو دۆكۆمێنتی دروست زانیاری زیاتر لەبارەی شكستپێھێنانی تێكدانی ئارامی ھەرێم لەلایەن تیرۆریستانەوە بۆ رایگشتی بڵاودەكەنەوە .

دەقی ڕاگەیەنراوەكە:

لەئەنجامی چاودێری و کۆکردنەوەی زانیاری وورد لەسەر گروپێکی سەر بە ڕێکخراوی تیرۆریستی داعش لە پارێزگای هەڵەبجە ، پاش دەست خستنی بەڵگەی تەواو لەسەریان کە مەرامیان بوو لە سنوری پارێزگای سلێمانی و هەڵەبجە و ئیدارەی گەرمیان کردەوەی تیرۆریستی ئەنجام بدەن و ئاسایشی ھەرێم تێکبدەن . پاش وەرگرتنی بڕیاری بەڕێز دادوەری لێکۆڵینەوەی ئاسایشی پارێزگای سلێمانی وە لە ژێر چاودێری و ڕێنمایی سەرۆکی دەزگای ئاسایشی هەرێم ، بەڕێوبەرایەتی ئاسایشی پارێزگای سلێمانی / هێزەکانی ئۆپەراسیۆنی ئاسایشی سلێمانی ، بەهاوکاری هێزەکانی بەڕێوبەرایەتی ئاسایشی شارەزوور ، لەھەڵمەتێکی بەرفراوان و چەند ئۆپەراسیۆنێکی جیاجیای سەرکەوتوودا رۆژی چوارشەمە ٨ ی ١٢ ی ٢٠٢١ ژمارەیەک لە ئەندامانی تاقم و گروپی نەنستووی تیرۆریستانی داعش لە شاری هەڵەبجە ، قەزای سەیدسادق و شارۆچکەکانی خورماڵ ، سیروان و چەند گوندێکی شارەزوور دەستگیرکران و دەست بەسەر ژمارەیەک لە چەک و تەقەمەنیشدا گیرا کە پیلانیان دانابوو تا لە کردەوە تیرۆریستییەکانیاندا بەکاری بهێنن . لێرەوە بۆ کۆمەڵانی خەڵکی کوردستانی رووندەکەینەوە لەبەر سەلامەتی لێکۆڵینەوەکان و پاراستنی دۆسیەکە زانیارییەکانی پەیوەست بەم پیلانەی تیرۆریستان دەھێڵینەوە و لە داھاتوویەکی نزیکدا بە بەڵگەو دۆکۆمێنتی دروست زانیاری زیاتر لەبارەی شکستپێھێنانی تێکدانی ئارامی ھەرێم لەلایەن تیرۆریستانەوە بۆ رایگشتی بڵاودەکەینەوە . لەگەڵ رێزماندا بەڕێوبەرایەتی ئاسایشی پارێزگای سلێمانی .

No description available.No description available.No description available.No description available.No description available.No description available.